Бөлүмдөр
Дүйшөмбү, 14-октябрь
Ысык-Көл облусу, Чолпон-Ата 07.10.2019 17:39

Чолпон-Атада 17 баш чабак кармап алган тургун 6 000 сомго сынды. Сүрөт

Turmush -  Чолпон-Ата шаарында мыйзамсыз балык уулап жүргөн тургун кармалды. Бул тууралуу Мамэкотехинспекциянын басма сөз кызматы билдирди.

Маалыматка караганда, Мамэкотехинспекциянын Чолпон-Ата, Балыкчы шаарлары, Ысык-Көл жана Тоӊ райондору боюнча региондор аралык башкармалыгынын жаныбарлар жана өсүмдүктөр дүйнөсүндөгү браконьерликке каршы күрөшүү боюнча буйругунун негизинде 4-октябрда Чолпон-Ата шаарынан Балыкчы шаарына чейин рейд жүргүзүлгөн. Рейд учурунда 1988-жылы туулган тургун үйлөнмө баллон кайыкта мыйзамсыз балык уулап жүргөн жеринен кармалган. Кайыгына кароо жүргүзгөн маалда 17 баш чабак табылган. Ошол жерден ага протокол түзүлүп, 1000 сом айып пул жана 5151 сом доо коюлуп өндүрүлдү.

Мындан сырткары Чырпыкты жана Тору-Айгыр айылдарында мыйзамсыз балык уулоо үчүн сууга салынган 30 даана Кытай өндүрүшүнөн чыккан торлор чечилип, кескиленип таштанды таштоочу жайга ташталды.

Аталган түзүмдөн билдиришкендей, рейд 04-октябрдан 31-декабрга чейин уланат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×