Бөлүмдөр
Ишемби, 21-сентябрь
Ысык-Көл облусуЖети-Өгүз району 03.09.2019 14:18

Жети-Өгүздө 25 млн сомго курулган спорт ордо ишке берилди. Сүрөт

Turmush -  Жети-Өгүз районунун Светлая Поляна айылында спорт ордо жана кичи футбол аянтчасы пайдаланууга берилди, деп билдирет аймактык кабарчы.

Айыл аймактын башчысы Баатырбек Касымовдун айтымында, спорт ордонун курулушу 2016-жылы башталган.

«Спорт ордо бардык шарттары менен, жуунучу жайы, теннис ойноочу бөлмөсү менен курулуп, Эгемендүүлүктүн 28 жылдыгына карата ачылды. Анын курулушуна жалпы 25 млн сом жумшалган. Имаратка согуштун ардагери Курман Алымбаевдин ысымы ыйгарылды. Биздин айылдын волейболчулары райондук, облустук жана республикалык мелдештерде алдыңкы орундарды камсыздап келет», - дейт ал.

Ошондой эле демөөрчүлөрдүн жардамы менен курулган кичи футбол аянтчасы дагы ишке берилди. Ага Ысык-Көлдү өнүктүрүү фондунун мурунку жетекчиси, маркум Айтбек Океновдун ысымы ыйгарылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×