Бөлүмдөр
Бейшемби, 18-июль
Ысык-Көл облусуТоң району 07.07.2019 14:08 На русском

Ысык-Көлгө бара жаткан чет өлкөлүк эс алуучулар акча салынган баштыгын таппай калышкан

Turmush -  Тоң районунда чет элдик эс алуучулар акча, документтери салынган баштыгын жоготуп алышкан. Жоголгон баштыкты милиция кызматкерлери таап беришкенин Тоң райондук ички иштер бөлүмүнөн билдиришти.

5-июль күнү милицияга Россия Федерациясынын жараны арыз менен кайрылган. Ал Ысык-Көлгө эс алууга бара жатып Боом капчыгайынан өзүнө тиешелүү баштыкты таппай калган. Анын ичинде акча жана документтери бар болчу. Маалыматка караганда, эс алуучулар Боом капчыгайынан сүрөткө түшүшкөн.

Аталган факт боюнча Тоң райондук ички иштер бөлүмүнүн кызматкерлери тез арада иликтөө иштерин жүргүзүшүп, жоголгон баштыкты эс алуучулар сүрөткө түшкөн жерден таап, ээсине кайтарып беришкен.

Тоң РИИБ эс алуучуларга буюмдарды сактоо жана көлгө түшүүдө коопсуздук эрежелерин сактоого чакырат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×