Бөлүмдөр
Бейшемби, 18-июль
Ысык-Көл облусуЫсык-Көл району 27.06.2019 10:26

Сүрөт — Ысык-Көлгө Өзбекстандан туристтер келишти

Turmush -  Ысык-Көлгө Өзбекстандан туристтер келишти. Бул тууралуу аймактык кабарчы билдирди.

Маалым болгондой, бүгүн «Тамчы» эл аралык аэропортуна Өзбекстандан эс алуучулар келишти. Ошондой эле эки күн мурун коңшу өлкөдөн 40 журналист келген болчу.

«Учак жарым саатка эрте конду, бул Ысык-Көлгө жол кыска экенинен кабар берет. Силердин эс алууңар абдан жакшы өтүшүнө тилектешмин. Кыргызстандын бермети — Ысык-Көлгө кош келиңиздер. Эки өлкөнүн достугу дайыма жогорку деңгээлде болсун», - деди Ысык-Көл районунун акими Данир Иманалиев.

Бүгүн Кыргызстан Өзбекстандан Ысык-Көлгө Ташкент—Тамчы багытындагы биринчи авиакаттам менен келген туристтерди кабыл алды. Жайкы сезон учурунда эл аралык каттам менен 3 миң турист келет.

Өзбекстандан келген 140 туристти салтанаттуу түрдө Туризм департаментинин директору Максат Дамир уулу, Өзбекстан Республикасынын туризмди өнүктүрүү боюнча мамлекеттик комитетинин өкүлү Сардор Сайдирасулов жана жергиликтүү бийликтин өкүлдөрү тосуп алышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×