Бөлүмдөр
Бейшемби, 25-апрель
Ысык-Көл облусу, Чолпон-Ата 04.04.2019 12:15 На русском

Улакчыларга жан тартып, ат майданга чуркап чыккан Алихан: «Келечекте улакчы болом» (видео, сүрөт)

Turmush -  Ысык-Көл райондук мамлекеттик администрациясынын башчысы — аким Данир Иманалиев көк бөрүнүн кичинекей күйөрманы — 11 жаштагы Алихан менен жолукту. Бул тууралуу аймактык кабарчы билдирди.

Жолугушууда аким Алиханга мыкты мырза болушун каалап, ага чакан белектерди тапшырды.

Алихан учурда Чолпон-Ата шаарындагы И.Абдразаков атындагы мектеп-гимназиясында 4-класста окуйт. Келечекте мыкты улакчы болууну кыялданат.

Буга чейин Бишкек шаарындагы «Аккула» ат майданында өткөн көк бөрү боюнча мелдеште 11 жаштагы бала командалардын бирине жан тартып, оюн аяктагандан кийин майданга чуркап чыгып, ыйлап жибергендиги маалымдалган.

Алихан Ынтымак аттуу агасынын командасын колдоо үчүн Чолпон-Ата шаарынан келген. Ал оюндан таасирленген учурдагы эмоциясын видеого тартып алышкан.

Бишкектин бийлиги 22-мартта Алиханга смартфон, ээр жана ат жабдыктарын, Бишкектин 140 жылдыгына арналган китеп тапшырган болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×