Бөлүмдөр
Жекшемби, 17-февраль
Ысык-Көл облусуЖети-Өгүз району 30.01.2019 14:02

Айыл турмушу: Жети-Өгүздөгү бөбөктөргө Манасты 47 жаштагы Любовь таанытат (сүрөт)

Turmush -  Жети-Өгүз районунун Кызыл-Суу айылынын 47 жаштагы тургуну Любовь Саратова кыяландагы кесибин аркалап келет. Аймактык кабарчы аны менен таанышты.

Өзүнүн айтымында, ал кичине кезинде эле мугалим, тарбиячы болууну кыялданчу. Ал Кызыл-Суу айылындагы мектепте окуп, андан кийин Каракол шаарындагы педагогикалык колледжде билим алган. 1991-жылы окууну бүткөн соң, Кызыл-Суу айылындагы «Наристе» балдар бакчасында тарбиячы болуп иштеп баштаган.

Л.Саратова учурда да аталган бала бакчада бөбөктөрдү эки тилде тарбиялап, аларга кыргыз элинин каада-салтын, үрп-адаттарын үйрөтүп келет. Мындан тышары, «Манас» эпосун окуп, аны айтып берет.

Бала бакчадагы алдыңкы тарбиячылардын катарын толуктаган Любовь Саратова кыргыздын улуттук кийимдерин кийип, ар кандай майрамдык иш-чараларда ырдап, «Манас» эпосунан үзүндү айтат. Любовь Саратованын 5-класста окуган Феликс аттуу уулу бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×