Бөлүмдөр
Ишемби, 23-март
Ысык-Көл облусуЫсык-Көл району 26.11.2018 13:56

Ысык-Көлдө «Хонда-Одиссей» 48 жаштагы жөө жүргүнчүнү өлтүрө сүздү

Turmush -  Ысык-Көл районунда автоунаа жөө жүргүнчүнү өлтүрө сүзүп кетти. Бул тууралуу аймактык кабарчы жеке булактарга шилтеме берүү менен билдирди.

Маалым болгондой, жол кырсык 22-ноябрда саат 19:00 чамасында Ысык-Көл районунун Корумду айылында катталган. «Хонда-Одиссей» үлгүсүндөгү унаа жөө жүргүнчүнү сүзүп, жабырлануучу окуя болгон жерде каза болгон.

Кийинчерээк жол кырсык болгонун милиция тастыктап, ошол күнү саат 19:00 чамасында Ысык-Көл РИИБдин нөөмөт бөлүмүнө Корумду айылында жол кырсык болгону боюнча маалымат түшкөнүн билдирди.

Окуя болгон жерге РИИБдин эки оперативдүү-тергөө тобу чыккан. Маалым болгондой, «Хонда-Одиссей» үлгүсүндөгү унааны Түп районунун Балбай айылынын 1967-жылы туулган Т.О. аттуу тургуну башкарып бара жаткан. Ал Каракол шаарынан саат 17:00 чамасында жүргүнчүлөрү менен чыккан.

Саат 19:00 чамасында Корумду айылынын ичинен, тактап айтканда Каракол—Балыкчы унаа жолунун 103-чакырымында жөө жүргүнчү өтүп баратканын байкабай сүзүп алган. Анын кесепетинен Корумду айылынын 1970-жылы туулган тургуну окуя болгон жерде каза болгон.

Бүгүнкү күндө каза болгон жарандын бир туугандары милицияга арыз менен кайрыла элек. Соттук-медициналык экспертиза дайындалып, жол кырсык боюнча тиешелүү иштер жүргүзүлүүдө.

Маалым болгондой, каза болгон жарандын 5 баласы калды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
Какой банк Вы считаете лучшим в Кыргызстане?
«Бакай Банк»
50.43% (651)
«РСК Банк»
29.59% (382)
«Капитал Банк»
7.13% (92)
...
Всего голосов: 1291
×