Бөлүмдөр
Ишемби, 20-октябрь
Ысык-Көл облусуЫсык-Көл району 26.07.2018 12:06 На русском

Ысык-Көлдө дагы бир өрт. «Радуга» эс алуу борборундагы кафе толугу менен өрттөндү (сүрөт)

Turmush -  Ысык-Көл районунун Сары-Ой айылындагы «Радуга» эс алуу борборунда жайгашкан «Искушение» кафеси толугу менен күйүп кетти. Өзгөчө кырдаалдар министрлигинин маалыматы боюнча кафенин имараты 500 чарчы метр аянтты ээлеп турган.

Өрт учурунда имараттагы 7 газ баллондун ичинен 3 баллон жарылган. Учурда өрттүн чебеби такталып жатат.

«Искушение» кафеси өрткө чейин

Кечээ, 25-июлда саат 18:20 чамасында Ысык-Көл районунун Кожояр айылында жайгашкан «Лагуна Сити» пансионатында дагы өрт чыгып, 3 адам жабыркады.

ӨКМдин маалыматына караганда, өрт саат 20:06да чектөөгө алынып, ал эми саат 01:15те толугу менен өчүрүлгөн. Өрттүн кесепетинен жергиликтүү 3 тургун – 1984-жылы туулган Б.А., А.К. жана 1986-жылы туулган К.Р. II даражада күйүк алып, Ананьев айылындагы ооруканага жаткырылды. Ошондой эле жалпы аянты 1000 чарчы метр таунхаус толугу менен күйүп кеткен.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×