Бөлүмдөр
Шейшемби, 13-ноябрь
Ысык-Көл облусуТүп району 12.07.2018 09:16

Түптүн Тасма айылына трансформатор орнотулуп, чубалгылар тартылды (фото)

Turmush -  Түп районунда электр жарыгын берүүнү кышында үзгүлтүккө учуратпоо үчүн айылдарда капиталдык ремонт иштери кызуу жүргүзүлүп жатат, - дейт Түп РЭТ ишканасынын башкы инженери Курманжан Байтиков.

Анын айтымында, эми 5 айылга трансформаторлор коюлуп, аба чубалгылары тартылат.

«Бүгүнкү күндө Тасма айылына 850 метр жогорку чыңалуудагы аба чубалгысын, бир чакырым ылдыйкы чыңалуудагы аба чубалгысы тартылып, аларды орнотууга 30 темир-бетон мамысы (мамылар «Чыгыш электро» ААК тарабынан жасалган) орнотулду.

Түп РЭТ Талды-Суу электр тармактар бөлүмүнүн жетекчиси, мастер Э.Черикчиевдин бригадасы тарабынан капиталдык оңдоодон өткөрүлгөн кубаттуулугу 400 квт.трансформатор орнотулуп, дайыма арызданып келген 70 абоненттин электр жарыгы менен тейлөө турукташтырылды. Мындан тышкары 5 (Фрунзе, Кутургу, Токтоян, Михайловка, Сары-Булуң) айылга трансформаторлор коюлуп, аба чубалгылары тартылат.

Ошондой эле, авариялык абалга алып келген бак-дарактар буталып, электр чубалгылары тартылган жерлерге жакын бак-дарактарды тикпөө тууралуу эскертүү иштери жүргүзүлдү», - деди К.Байтиков.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×