Бөлүмдөр
Ишемби, 22-сентябрь
Ысык-Көл облусуАк-Суу району 10.07.2018 12:58 Жаңыланды: 19.07.2018 12:34

Айыл турмушу: Ак-суулук багбан Б.Осмонов карагаттын жаңы сортторун өстүрүп жатат (фото)

Turmush -  Ак-Суу районунун Челпек айылынын тургуну Бектур Осмонов 15 сотых жерге карагат өстүрүү менен алек. Аны менен аймактык кабарчы таанышты.

Өзүнүн айтымында, буга чейин жергиликтүү карагаттын сортторун өстүрүп келсе, 5 жылдан бери долбоорлор аркылуу Алтай, Польшадан алынган карагаттарды өстүрүп жатат.

«Карагат өстүргөнүбүзгө көп жыл болду. 2013-жылдан тарта Польшадан, Алтайдан долбоорлор аркылуу көчөттөрдү алдык. Аларды жакшы сугарып багуу керек. Тамчылатып да сугарууга болот. Түбүн жумшартып, жер семирткичтерди сээп турса жакшы өсөт. Карагаттар тиккенден кийин 3-4-жылы мол түшүм берип баштайт. Аны отургузуп жатканда 2-3 көчөттү бир жерге топтоштуруп отургузуу керек», - деди ал.

Бектур Осмонов карагатты бир жыл баккандан кийин экинчи жылы сатыкка чыгарат. Ал быйыл карагаттын көчөттөрүн 5 миң сомго саткан.

«15 гана сотых жерге карагаттын көчөттөрүн отургузгам. Алар дүң баада сатылса 50 сомдон башталат. Бир түп көчөт 70 сомго бааланып, Ысык-Көлдүн аба ырайында жакшы өсүп, түшүмү мол болот. Карагаттарга суроо-талап көп болгондуктан келечекте карагат өстүргөн аянтты кеңейтүү пландарым бар», - дейт багбан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×