Бөлүмдөр
Ишемби, 18-август
Ысык-Көл

Балыкчыда 69 жаштагы аялды унаасы менен сүзүп, өзү качып кеткен айдоочу кармалды (фото)

Turmush -  Ысык-Көл облусунун Жол кыймылынын коопсуздугун камсыздоо башкармалыгынын кызматкерлери тарабынан унаасы менен жөө жүргүнчүнү сүзүп, качып кеткен айдоочу кармалды. Бул тууралуу аталган башкармалыктын басма сөз кызматы билдирди.

«Балыкчы шаарында 8-майда саат 20:40 чамасында Фрунзе көчөсүндө бара жаткан унаа жөө жүргүнчүнү сүзүп, окуя болгон жерден из жашырган. Кырсыктын кесепетинен 69 жаштагы Л.С. (аял киши) жаракат алып, Балыкчы шаардык ооруканасына жеткирилген», - деп айтылат маалыматта.

Жол кырсык фактысы Балыкчы ШИИБге катталып, тескөөчүлөр ыкчам аракеттерди көрүп башташкан. Жыйынтыгында жол кырсыктын белгилери бар «БМВ» унаасы табылды. Унаанын ээси — 32 жаштагы Ж.Т. жөө жүргүнчүнү сүзүп кеткенин мойнуна алды.

Унаа ШИИБге жеткирилип, айдоочу тергөө кызматына өткөрүлүп берилди. Териштирүү иштери башталды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1111
Комментарии
Для добавления комментария необходимо быть нашим подписчиком
Көп окулду
×