Бөлүмдөр
Ишемби, 18-август
Ысык-Көл

Жети-Өгүздө Баткен окуясында курман болгон К.Кушбековдун жаркын элесине арналган спорттук мелдеш өттү (фото)

Turmush -  Жети-Өгүз районунун Жети-Өгүз айылында спорттун таэквондо түрү боюнча мелдеш өтүп, ага республика боюнча 200 спорт чебери катышты. Бул тууралуу аймактык кабарчы билдирди.

Уюштуруучулардын айтымында, мелдеш 2000-жылдын август айында Баткен коогаланында курман болгон Кубанычбек Кушбековдун жаркын элесине арналды.

Маркум К.Кушбеков 1976-жылы Жети-Өгүз районуна караштуу Талды-Булак айылында жарык дүйнөгө келген. 1985-1991-жылдары Д.Иманов атындагы орто мектепте окуган. 1991-1994 жылдары Суворов окуу жайын артыкчылык диплому менен бүтүргөн. 1994-1996-жылдары Россия Федерациясындагы Челябинск шаарындагы Жогорку аскердик танкалык окуу жайын артыкчылык диплому менен аяктаган. 1998-жылдан баштап Кой-Таш ротасында командир болуп кызмат өтөгөн. 2000-жылы август айында Баткен коогаланында баатырларча курман болгон.

Маркумдун жаркын элесине арналган мелдеш классташтарынын демилгеси менен 5 жылдан бери өткөрүлүп келет.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 874
Комментарии
Для добавления комментария необходимо быть нашим подписчиком
Көп окулду
×