Бөлүмдөр
Шейшемби, 24-апрель
Ысык-Көл

Айыл турмушу: Балыкчылык тиш доктур У.Карыбековдун грек-рим күрөшүндөгү ийгиликтери (фото)

Turmush -  Балыкчы шаарынын 22 жаштагы тургуну Умар Карыбеков акыркы 10 жылдан бери грек-рим күрөшү менен машыгып келет. Аймактык кабарчы жаш спортчу менен таанышты.

Өзүнүн айтымында, учурда ал 9-майда боло турган мелдешке даярданып жатат.

Буга чейин көптөгөн ийгиликтерге жетишип, «Спорттун чебери» наамына талапкер болгон. Ал Балыкчы шаарынын грек-рим күрөшү боюнча ачык биринчилигинде 1-орунду, улуу манасчы С.Каралаевдин 120 жылдыгына карата Ысык-Көл облустук III манасиадасында грек-рим күрөшү боюнча 69 килограмм салмакта 2-орунду, Ысык-Көл облусунун 70 жылдык мааракесине арналган республикалык мелдеште 1-орунду ээлеген. Ошондой эле грек-рим күрөшү боюнча уландар арасында Мамаке баатырдын жаркын элесине арналган республикалык турнирде 58 килограмм салмакта 1-орунду, грек-рим күрөшү боюнча Ш.Сыдыковдун элесине арналган эл аралык турнирде 59 килограмм салмак боюнча 2-орунду алган.

Спортчу Балыкчы шаарындагы Ч.Айтматов атындагы №5 орто мектебин бүтүргөн. Андан кийин Токмок медициналык колледжинде окуп, тиш доктур кесибине ээ болгон. Учурда Балыкчыда тиш дарылоо борборунда тиш доктур болуп эмгектенет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 860
Көп окулду
Учурда окулуп жатат
×