Бөлүмдөр
Шейшемби, 18-декабрь
Ысык-Көл облусуЫсык-Көл району 19.03.2018 16:31

Ысык-Көлдө Нооруз майрамына карата «Кыргыз айылы» иш-чарасы өтүп, сүмөлөк бышырылды (фото)

Turmush -  Ысык-Көл районунун Кош-Көл айылында жайгашкан №85 кесиптик техникалык лицейдин мугалимдер жамааты Нооруз майрамына карата «Кыргыз айылы» аттуу иш-чара өткөрүштү. Бул тууралуу аймактык кабарчы билдирди.

Иш-чаранын алкагында мугалимдер сүмөлөктү өз жөрөлгөлөрү менен таң аткыча кайнатышып, ал жерде билим алган студенттерге сүмөлөк бышыруунун эрежелерин айтып беришти.

Лицейдин директору Асыл Орозобекованын айтымында, иш-чарага ар бир курстун студенттери мугалимдери менен бирдикте катышып, улуттук баалуулуктар болгон буюм-тайымдарды, өздөрү жасаган тамак-ашты көрсөтмөгө коюп, команданын ар бири каада-салттарды көрсөтүштү.

Иш-чаранын максаты жаш муунга улуу мурастарды барктоого, аны унутпоого үндөө.

«Сүмөлөктүн үстүнө боз үйлөрдүн көп сүрөтү түшүптүр. Бул өлкөбүздөгү кут, берекенин, ооматтын белгиси. Бул сүмөлөктү Ысык-Көл облусунун Кош-Көл айылындагы №85 кесиптик лицейдин окуучулары жана эмгек жамааты даярдады. Майрамдын алкагында боз үйлөр тигилип, унутта калган каада-салттар көргөзүлдү. Ошондой эле, улуттук тамак-аштардын сынагы өттү.

Мындан тышкары, «Мен жана мугалимим» сынагы уюштурулуп, биринчи орунду алган тайпаларга сыйлык катары Каракол шаарына тарыхый жайларга жана музейлерге саякаттоого жолдомо берилди», - деп билдирди жетекчи.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×