Бөлүмдөр
Дүйшөмбү, 25-июнь
Баракелде

Шашылыш эскертүү: Өлкөдө 16-мартка чейин туруксуз аба ырайы күтүлөт

Turmush -  Бүгүн, 13-марттан тарта 16-мартка чейин өлкө аймагында туруксуз аба ырайы күтүлүп, мезгил-мезгили менен жаан жаайт. 14-мартта күндүз жана 15-16-мартта Чүй, Талас өрөөндөрүндө, тоо этектеринде жаан карга айланып, тоолуу райондордо кар жаашы күтүлөт, деп эскертет ӨКМ.

14-17-мартта абанын температурасы төмөндөп, түнкүсүн Чүй, Талас өрөөндөрүндө -1…-6° суук, күндүз 0…5° жылуу, Ош, Жалал-Абад, Баткен облустарынын дыйканчылык аймактарында түнкүсүн -1° сууктан …+4° жылуулукка чейин, күндүз 4…9° жылуу, тоо этектеринде жана Ысык-Көл ойдуңунда түнкүсүн -2…-7° суук, күндүз 0…5° жылуу, тоолуу райондордо жана Нарын облусунун дыйканчылык аймактарында түнкүсүн -8…-13°, күндүз -1…-6° суук, бийик тоолуу райондордо түнкүсүн -20…-25°, күндүз -5…-10° суук болушу күтүлөт.

Мындай туруксуз аба ырайы автоунаа, энергетика, коммуналдык кызматтардын ишин жана мал кармоону кыйындатат.

Ошондой эле, туруксуз аба ырайына байланыштуу тоолуу райондордо, БишкекОш унаа жолунун 121-137-чакырымдарында (Төө-Ашуу ашуусу), 198-265-чакырымдарында (Ала-Бел ашуусу, Чычкан капчыгайы), 355-370-чакырымдарында (Көк-Бел ашуусу), Ала-БукаКаныш-Кыя унаа жолунун 68-99-чакырымдарында, Красная ГоркаАк-Таш унаа жолунун 1-4-чакырымдарында, КазарманАктал-Чат унаа жолунун 67-94-чакырымдарында (Кара-Көө ашуусу), Мырза-АкеКара-КулжаАлайкуу унаа жолунун 45-90-145-150-чакырымдарында жана КараколЭңилчек унаа жолунун 45-92-чакырымдарында (Чоң-Ашуу ашуусу) кар күрткү түшүү коркунучу сакталат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1660
Көп окулду
×