Бөлүмдөр
Дүйшөмбү, 25-июнь
Ысык-Көл

Балыкчыдагы музыкалык мектептин окуучулары айымдарга концерт тартуулашты (фото)

Turmush -  Балыкчы шаарындагы Б.Миңжылкыев атындагы музыкалык мектептин окуучулары жана мугалимдери 8-март — Аялдардын эл аралык майрамына карата энелерге арналган концерт тартуулашты. Бул тууралуу аймактык кабарчы билдирди.

Иш-чарада мугалимдер жана окуучулар пианино, комуз, гитара, аккордеон, кыяк, ооз комуз, чопо чоордо ойноп, күүлөрдү чертип беришти. Ошондой эле, вокал сабагынын мугалими опералык ырларды аткарып берди.

Майрамдык иш-чарага шаардык кеңештин айым депутаттары да катышты. «Окуучулар элдик, дүйнөлүк, классикалык чыгармаларды аткарып жатышат. Бул чоң жетишкендик деп ойлойм. Бардык аялзатын келе жаткан майрамы менен куттуктап, үй-бүлөлүк бакыт, иштерине ийгилик каалайм», - деди шаардык кеңештин депутаты С.Муканбетова.

Музыкалык мектептин окуу бөлүмүнүн башчысы А.Калыгулованын айтымында, мектеп 1965-жылы түзүлгөн. Учурда 27 мугалим эмгектенип жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1175
Көп окулду
×