Бөлүмдөр
Жума, 19-октябрь
Ысык-Көл облусуЖети-Өгүз району 04.01.2018 11:59

Айыл турмушу: Жети-өгүздүк 26 жаштагы Тунук борбордогу мектептин директорунун орун басары болду (фото)

Turmush -  Жети-Өгүз районунун Дархан айылынын 26 жаштагы тургуну Тунук Каныбекова борбордогу №50 мектептин директорунун орун басары болуп эмгектенип келет. Аймактык кабарчы жаш адистен кабар алды.

Өзүнүн айтымында, ал 1991-жылдын 25-майында Жети-Өгүз районунун Дархан айылында төрөлгөн. 1998-жылы А.Сатылганов атындагы Дархан орто мектебине кирип, 2009-жылы аяктаган. Ушул эле жылы И.Арабаев атындагы мамлекеттик университетинин тарых факультетине тапшырып, 2013-жылы артыкчылык диплом менен аяктаган.

Ушул эле жылы Ж.Баласагын атындагы улуттук университетинин магистратура бөлүмүнө тапшырып, аны менен катар Бишкек шаарындагы №50 орто мектебине социалдык педагог болуп орношкон. 2013-жылдын декабрь айында «Жаш мугалимдерге депозит» сынагына катышып, 3 жылдан кийин Бишкек шаарынын мэриясынын Билим берүү башкармалыгы тарабынан 100 миң сом сыйлыгына татыган.

Окуу жайдын магистратура бөлүмүн 2015-жылы аяктагандан кийин, ушул эле жылдын сентябрь айында №50 орто мектептин директорунун окуу-тарбия иштери боюнча орун басары болуп иштеп келет.

«Бала кезимде эле мугалим болууну кыялданчумун. 2013-жыл Ленин райондук билим берүү бөлүмүнүн ардак грамотасы, 2015-жыл Бишкек шаарынын мэриясынын билим берүү башкармалыгынын ардак грамотасы, 2017-жыл Бишкек шаардык кеңешинин ардак грамотасына татыктуу болгом. Негизги максатым — окуучуларга татыктуу билим берүү», - дейт ал.

Бишкек шаарындагы №50 мектеби 1966-жылы ишке берилип, 964 окуучуга ылайыкталган. Учурда 1276 окуучу билим алса, 71 мугалим эмгектенет. 10 мугалим билим берүүнүн отличниги болсо, 30 мугалим 1-2-категориядагы педагогдор болуп саналат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×