Бөлүмдөр
Жума, 19-октябрь
Ысык-Көл облусуАк-Суу району 27.12.2017 13:23

Ак-Суунун Үч-Кайнар айылында 1,8 млн сомго курулган жаңы ФАП ачылды (фото)

Turmush -  Бүгүн, 27-декабрда Ак-Суу районунун Үч-Кайнар айылында жаңы курулган ФАП ишке берилди. Бул тууралуу аймактык кабарчы билдирди.

Ачылыш аземге райондун акими Улан Дөкөнбаев, бир катар айыл өкмөттөрдүн башчылары катышты.

«Быйыл район боюнча жалпы 6 ФАП курулду. Азыр 4 айылдан башка бардык айылдарда ФАП бар. Эми келе жаткан жылда дагы 4 ФАП куруу пландалып жатат», - деди аким.

Үч-Кайнар айылдык кеңешинин депутаты Азамат Калмыкеевдин айтуусунда, бул ФАПтын курулушуна 1 миллион 800 миң сом жумшалып, ал АРИС программасынын негизинде каржыланган. Андан сырткары, айыл өкмөт 150 миң сом бөлүп, ага айланасы торолуп, керектүү жабдуулар алынды.

Райондук үй-бүлөлүк медицина борборунун директору К.Алымбеков ФАПтын мурунку имараты эскиргенин белгиледи.

«Азыр Ак-Сууда медициналык кызматкерлер жетиштүү. Жаңы ФАП Отуз-Уул, Үч-Кайнар айылдарынын эли үчүн кызмат кылат. Бул элеттиктерге жакшы жай болуп калды. Ичинде суусу, жылуулугу, бардык шарттар түзүлгөн. Бул жайга элеттеги кош бойлуу аялдар дагы келип, дарыгерлерге көрүнө алышат», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×