Бөлүмдөр
Жекшемби, 19-ноябрь
69.75    82.21    1.17    KZT 0.21
Баткен

Кадамжайдагы жол кырсык: Жубайлар 1 жана 15 жаштагы уулдары менен каза болду, бир уулу оор абалда

Turmush -  Кадамжай районунун Орозбеков айыл аймагындагы Күлдү айылында жол кырсыктан 4 адам каза болуп, 1 адам оор абалда ооруканага түштү.

Милиция кызматкерлери Turmush басылмасынын кабарчысына билдирген маалыматка ылайык, кечээ, 9-сентябрда саат 19:00 чамасында «Мерседес Бенц» үлгүсүндөгү кичи автобус менен «Дэу Матиз» үлгүсүндөгү унаа кагышкан. Анын кесепетинен жеңил унаадагы 5 адамдын төртөө оор жаратынан улам кырсык болгон жерде көз жумган. Оор абалдагы жабырлануучуга Кадамжай аймактык ооруканасында жардам көрсөтүлүп жатат.

«Мерседес Бенц» унаасынан 4 адам ооруканага кайрылып, биринчи жардам алып кетишкен. Алар Оштогу Ноокат шаары менен Баткендеги Кызыл-Кыя шаарынын тургундары экени айтылууда. Кичи автобус жүргүнчүлөрдү Айдаркен шаарындагы базардан алып келе жаткан. Каза болгон жарандар Орозбеков айыл аймагынын тургундары — бир үй-бүлөнүн мүчөлөрү болчу.

Каза болгон жарандар:

- 1973-жылы тулган Э.Н. (үйдүн кожоюну);

- 1974-жылы тулган Д.Н. (жубайы);

- 2002-жылы туулган Н.У. (жубайлардын уулу);

- 2016-жылы туулган М.У. (жубайлардын кичүү уулу). 

Ооруканада дарыланып жаткан жабырлануучу — бул үй-бүлөнүн 2004-жылы туулган уулу К.У.

Учурда бул кырсыкка себепкер болгондор кармалып, тергөө иштери жүрүгүзүлүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 12458
Комментарии
Обсуждения закрыты
Нет аватара
oma_82
22:32, 10 сентября 2017
Ким куноолу?
Көп окулду
Учурда окулуп жатат
×