Бөлүмдөр
Шаршемби, 13-декабрь
69.75    82.26    1.18    KZT 0.21
Ысык-Көл

Жети-Өгүздүн Липенка айылындагы көйгөйлөр коомдук угууда талкууланды (фото)

Turmush -  Бүгүн, 8-августта Жети-Өгүз районуна караштуу Липенка айылында жергиликтүүлөрдүн маселелерин талкууга алган коомдук угуу болду. Бул тууралуу Turmush басылмасынын кабарчысы билдирди.

Коомдук угууда жол, таза суу, бала бакча жана социалдык маселелер талкууга алынды. Тургундар жергиликтүү бийликтин өкүлдөрү менен айылдык депутаттарга көйгөйлөрүн айтышып, аларды чечүүнүн жолдорун талкуулашты.

Айыл аймак башчысы У.Докоевдин маалыматына караганда, учурда айыл аймактын 4 айылынын биринде да бала бакча жоктугунан балдар кезек күтүп турушат. Таза суу көйгөйү да курч бойдон турат.

Ал белгилегендей, Липенка айыл аймагында 4500 түтүн калк жашайт. 2016-жылдын бюджети 14 млн сом болсо, 2017-жылда 15 млн сомду түзгөн. Коомдук угууда бюджетти бөлүштүрүү маселеси да талкууланды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 563
Комментарии
Обсуждения закрыты
Көп окулду
Учурда окулуп жатат
16:48,   12.12.2017   ( 11 адам окуп жатат)
×